|
ТЕКСТЫ ПЕСЕН МОРОНЬ ВАЛТНЭ
ИСЕНЬ ВЕЧКЕМАСЬ
Правтат сельведь потмот а чамдови
Сон теке ведь кедсэ а кандови
Ды пек салов пачк теке невтиця
Пры сон алов оймесэнь кельмиця
Мезекс тонеть се церась эряви
Лия марто сон яла неяви
Стувтык сонзэ а карман ладсеме
Нарднят сельведь тон яла патинесь
Мороюткось:
Исень вечкемась ульнесь ды ков ней сон ёмась
Лия ды ансяк лемезэ конёв лангсо течинь кизэ
Эрьва шкасто ледстнят тон эйсэнзэ
Гайкстамосот налкстат тон ней тензэ
Стака коесь мештьсэт а кандови
Весе потмот монень а чамдови
Стувтык сонзэ вешнек эсь теть лия
Те цёранть мон сельмсэнь варштавлия
Тоньть сон ульнесь вейке чинь вечкиця
Истямо сон вечкемань вешницясь
Мороюткось-3-кст
ШИКАДИК
Мороютко:
Шик-шик-шик-шикадик
Кедеть зепестэм таргик
Мезеяк тон а муят
Теке тевсень нать теят, теке тевсэнь нать теят
Прядык тон исяк школат
Ошов туить тонавтнеме
Муить тон эстеть яглат
Мартост тон кармить чийнеме
Сынст ютксо ульнесь тейтерь
Парсте зепга сокариця
Лись мартонк апаро тев
Ютксонк ульнесь тень ёвтниця
Зярдо тынь сыргиде тевс
Мезекс тейтеренть се саинк
Сон а вечкеви монень
Или бокава тень каи
Кувать тень учомс эзь савт
Кедензэ монь зепс ёвкстызе
Мезеяк тосто эзь мук
Ды сеске мекев таргизе
Се тейтересь тусь монь мельс
Мизолдось каршонзо кортазевинь
Мороютко: истямо жо
Варштак тон масторонть лангс
Аволь ансяк вейке сельмсэ
Видечисэ тон эрят
Сюпалгадт тон паро тевсэ
Кеман молить стака чить
Косто неть читне саевить
Раужо кикс исяк ютыть
Вадря читне лей теевить
Весеменень мон кортан
Зярдояк илядо сала
Тейтертненень а лади
Истятнэнь ютан бокава
Илядо кунсоло сень
Эрядо тынь эсенк превсэ
Валдо чись кудосо ве
Варштат ёнов тон ве сельмсэ
Мезе таго тон теят
Саламодо зепга а лоткават
Мороютко:
Шик-шик-шик-шикадик
Кедеть зепестэм таргик
Мезеяк тон а муят
Теке тевсень нать теят, гигерь прякс ведьганть уйнят
ШТАТОЛ
Тей умок эзинь сакшно
Се таркать мон эзия тапакшно
Тезэнь ней веси промить
Ды кедьсэ штатолтнэнь кирвастить
Се таркантень свал мон чиян
Мороютко:
Кирвастяно штатол
Эрьгеди кирви тол
Эйстэнзэ моли пси
Ойме коштось лекси
Кирвастяно штатол
Кичкади кирви тол
Эйстэнзэ моли пси
Паро тенек арси
Лия мон нать а муян
Се таркантень мон мекс-бути чиян
Кидеяк ней а виздян
Вейке штатол тынк марто кирвастян
Иля тон мадть, палт тон кувать
Мороютко: истямо жо 2-ть
УЛЬЯНА
Ульнесь тейтерем сехте мазыйне
Мастор лангсо истят арасть
Вишка пингстэ вейсэ минь касынек
Чинек-венек вейсэ ютасть
А стувтовиця тусто прячереть
Апак лотксе эйсэст усксинь
Ды веть бокава кудов ютамсто
Тантей умарь мельга совсинь
Мороюткось:
Ульяна Ульяна Ульяна леметь
Тон васенце классто мартом тонавтнить
Кончнинь тенть ве сельмсэ
Тон книгат ловныть
Ульнить свал седейсэм
Ды ков тон ёмить
Валдо чамазо виде рунгозо
Сельмень икеле аштить свал
Сехте малавикс паро ялгинем
Тон пачтевлитень вейке вал
Бути пачкодят тиринь масторов
Шкат лия ды инжекс совак
Кши сал марто тонь парсте вастадызь
Иля стувтне мейле гайкстак
Мороюткось: 2-ть
ТОН АВАРДЯТ
Тон авардят правтать сельметнень ведь,
Сонзэ учат тонськак а содат мекс
Эль сельведтнень,чопода сонь нарды
Ды кунсолок теть мезе кортыть-2
А ладсеват монень тон кодаяк
Тонь лайшемась мызыйде мазыяк
Тонь сельведтне аштить Монь свал мельсэм
Кода ульнесь тонь кедесь кедьсэм-2
Мекс истя лись лиян сонзэ тусь кись
Чопода сонть лиянь кисэ маштызь
Учан эйсэ, ды тонь кисэ эрян,
Ды ськамот кадомс тонь мон пелян-2
ТУНДОНЬ ЧИСЬ
Пижелгадыть лопатне
Сёрмадовить нотатне
Ледстяви тиринь велем
Косо вадрясь тееви-
Берянесь анеяви
Тосо ульнесь тейтерем
Пшкадинь сонзэ кис
Но ансяк мезе тестэ лись
Ней кандан эйсэть
Нолдак истя поломс эйсэть
Мороютко:
Тошкить тень течи тундонь чись
Сон ванан бокинезэт лись
Чиить сонзэ каршо
Сон паряк седе лавшо
Седеем коласак сайсак
Карматасьтась кекшнеме
Тия-тува неекшнеме
Кармить эйсэ Тонь ягат
Зярдо тон кундатадызь
Сеске анолдатадызь
Се вадря ули кецяк
Свал тонеть кеметь
Кияк а карми токшеметь
Мезекс Тон эцят
Улить ведь тесэ явицят
Мороютко.
Мезе кармась улеме
Весе кармась тюреме
Сёвнозевсь весе кисэт
Тон чиить Монь боказом
Ёмась сеске Монь козом
Азё тестэ тенст мереть
Иля тарксе шканть
Нолдык тон минек тейтерьканть
Сонсь кирьгас поводсь
Течи ведь иензэ топодсть
ВЕСЕ ВЕЙСЭ
Моли дискотекась кувать сон моли
Ансяк кисэ кармась валкскес а коли
Учось сонзэ эйсэ вишкине ды покшт
Ламо паро ломать эрзят ламо шокшт
Мороютко:
Сергедтяно весе ввейсэ, весе вейсэ, весе вейсэ
Ушодтано эрзянь кельсэ, эрзянь кельсэ, эрзянь кельсэ
Сергедтяно весе ввейсэ, весе вейсэ, весе вейсэ
Ушодтано эрзянь кельсэ, эрзянь кельсэ, эрзянь кельсэ
Зярдо тон чаравтат кедтнесэ верьга
Зярдо тон якавтат сурсунь менельга
Сеске мон Тонь нейдян ваксозот молян
Бути тон а ськамот ялгат мон саян
ТЕЙТЕРЬКАТ
Тон а морат монь моросо
Ды аштят ськамот тон кудосо
Тон а вечкат ней монь эйсэ
Нать, лиясь ули тонь седейсэ
Валонк весе тынк ладить
Зярдо боказот мадить
Мороютко:
Тейтерькат тейтерькат
Весе тынь виде мазыйкат
Ансяк мартонк а молян
Эйстэнк виздян ды пелян
Тейтерькат тейтерькат
Весе вадринькат бойкат
Мезе марто тонть теемс
Кодат валт оштё муемс
Ней а карман тонть учнеме
Сядо смс-т кучнеме
Мезе карми сень ёвтаса
Мон се тейтеренть саласа
Бокинезо мон кекшса
Весемеде пек вечкса
Мороютко: - 2
АНСЯК ВАДРЯТ
Кельме вармат таго пувить
Нать курок пачкоди тенек телесь
Лембе ёнов нармуть туить
Весе ашолгады тирень велесь
Ловось пры ды мекев солы
Кезэреть тундонтень а содават
Ловонь прамось таго кецят
Конась ливти пряват
Мороютко:
Ансяк вадря тон вешняк
Ды таго лиядат ськамот
Стяко лонгозон пижняк
А молян течи ильтямо
Мезе таго алты тундось
Моданть лангсто ловонь сон солавты
Весе мазый тейтерька сон
Лия лангс эйсэнзэ нать полавты
Кода монь эйсэ а стувтат
Прясо таго путат лия бокас
Васня эсеть лангс тон варштак
Ломать весе содаст
Мороютко – 3
КУВАКА ЧЕРТЬ
Кие эйсэть вечки
Кадык стувтанзат течи ней
Эйстэм тон кекшат
Эсь валдо сельмтне пек манейть
Тундонь чокшнетне куроксто састь
Ды валскень стямос миненек тошкасьть
Тон сех мазыят ялгать ютксо сехте вадрят
Кода мон ризнан, тензэ тон кода а неят
Кадык мон стувтан тон а пелят
Варштак перпельга прят лангсо велят
Мороютко:
Кувака чертне тон Монь оймесэм пултыть
Истямо валдо модань келес тон сравтыть
Тон сравтыть тон сравтыть…
Кежей ломаньтне теильть толбаньдят тонь перьга
Кирьветь лопатне кепедить верев менельга
Ливтиця налтне мештезэть прыть
Меельце валтне турватнень тошкить
Мороюткось:
СЁКСЬ
Салавинька свал тонеть пачколи/Потихоньку всегда тебе доходит (досл. словами)
Зняро мон цецят тонеть сезьнинь/Сколько я цветов тебе срывал
Ансяк неть цецятьнесэ вачколить/Однако этими цветами хлестала
Эзить сае кода и весинь/Не брала как и ото всех
Эскелян шождасто пандо алов/Налегке качусь пол гору
Икелень тонь сельмтнесэ неян/Перед собой в глазах тебя вижу
Ды валске монь ланкс иля кеж сае/И утром на меня не гневись
Иредсте улян/Буду пьян
Мороютко:
Сёксесь сась, сёксесь сась /Осень пришла, осень пришла
Чувтнестэ ожо лопась /С деревьев желтая листва
Састынькасто-састо прыть тенек / Потихоньку-тихо падают нам
Сёксесь сась, сёксесь сась /Осень пришла, осень пришла
Нурькине читне кармасть / Коротки дни стали
Пиземесь пизи чинек-венек / Дождь льет и днем и ночью.
II
Кизэньтень миненек а сульмавовмс/До лета нам не связаться
Бойкасто ливтить лембе читьне/Быстро летят тёплые дни
Тееви истямо асодавикс/Сделаеется таким неузнаваемым
Кисензе ней каямо питне/За него теперь положить плату
Варштат лангозонзо - сон мазыйка/Посмотришь на неё - она красавица
Певерить эйстензэ сырьнень повт/Сыпяться с неё золотые пуговицы
Тапарявить веси чувтнень перька/Запутаются все вокруг деревьев
Сёксень колмо ковт/ Осенние три месяца
Мор.:
НИ
Мороюткось:
Ютаcь теле ютазь кизэ
Ней тон кармить сонзэ низэ
Эсь перька тон теить кикс
Киненьгак а содавикс - 2
Кевери лопась вармась эйсэнзэ пуви
Нама Тонь вешнемс течи монень а сави
Мороюткось:- 2
Седеем коламс аволь ламо эряви
Ломаней сэретькс киненьгак а маряви
Мороюткось:- 4
СЭНЬ МЕНЕЛЬГА
Панжик циндерьстэ стака кенкшенть
Мезекс таго тон эйстэм кекшеть
Мартом а яксят, лангсом нать раксят
Лия ней тоньть ули вечкеця
Мороютко :
Сэнь менельга, сэнь менельга яксяргот ливтясть
Тонь туеманть мельга мештесэм путась
Сэнь менельга, сэнь менельга яксяргот ливтявсть
Те сёвноманть мельга валот тоньть ёвтавсть
А ливтить менельга яксяргот
А молян тонеть стувца кудо
Ульнесь лембе чись кода истя лись
Сэнь менелев вете эйсэ кись
Мороютко:
ВИШКА ПИНГЕМ
Экшэ вармась шождасто пувась
Терсь яла эйсэм одов
Косо Монь вишка пингем ютась
Умок уш вализе лов
Косо Монь вишка пингем ютась
Умок уш вализе лов
Чиемс тия тея янэванть
Ды росань пачк а ютамс
Ваномс Тонь сельмс ды а кадовомс
Лембе Тонь кедеть кундамс
Ваномс Тонь сельмс ды а кадовомс
Лембе Тонь кедеть кундамс
Кортыть истя нама улема
Куроксто юты пингесь
Велявтомс ведь мельга уеманть
Мерят те исяк ульнесь
Велявтомс ведь мельга уеманть
Мерят те исяк ульнесь
КОВ АЛО / ПОД ЛУНОЮ (ПЕРЕВОД ДОСЛОВНЫЙ, ПОСТРОЧНЫЙ)
Чокшнэсь сась, ды тонеть сон кортась, /Вечер пришёл,и тебе он говорил,
Кода манчи эйсэть тонь цёрась, /Как обманывает тебя твой парень,
Се тейтересь пек мазый, /Та девушка очень красивая,
Весе веле содасы, /Вся деревня знает,
Ансяк турвас кияк ней а паласы /Только в губы никто сейчас не поцелует
Мороютко:
Ков ало, Ков ало, теке тундонь нумоло, /Под Луною,под Луною, словно заяц весенний
Мон яла якинь-учинь, эзинь сода тон манчить, /Я всегда ходил и ждал, не знал, что ты лжёшь
Ков ало, Ков ало, теке тундонь нумоло, / Под Луною, под Луною, словно заяц весенний
Мон яла якинь-учинь, кода истя тон манчить /Я всегда ходил и ждал, как так, ты лжёшь
Весь ютась, кизэсь сась, ды ёмась,/Ночь прошла, лето пришло и пропало
Ков ало тундонь нармунь морась, /Под Луною весенняя пташка пела
Чевте седей, виде он, ней тонеть а манчи сон, /Мягкое сердце, правильный сон, теперь он тебе не лжёт
Кувакасто серьгедят «А вечктян мон!» /Длинно кришнешь: ”Не люблю тебя я!”
Мороютко:-3
ЭРЯВАТ
Мон те шкас эзитинь сода,
Ёвтыка, леметь тонь кода?
Сельметь палыть, эйсэнь саить:
"Адя тов!"
Косо зорянть минь вастсынек,
Косо шканть минь ютавтсынек.
Тон а сат, оймесэм кирви тол.
Мороютко:
Эряват, тон эряват,
Мезекс тон монень маряват?
Бокаван ютат, мартон а кортат.
Эряват, тон эряват,
Монень стувтомс тон эряват.
Прястом тонь ёртомс
Ды а мелявтомс.
Мон а кеман, мон а кеман,
Те вечкемадонть а вельман.
Пижеть сельметь, эйстэст кельметь
Потсост эй.
Эрьва вене неян эйсэть,
Мон улян-арасян превсэть?
Варштак ёнон,"Те монь," - оно мерть.
Мороютко.
Тон пек вадрясто ветят,
Тон машинасот ливтят.
Ардат бокаван, а лоткаван.
Истя мезе теят?
Мезекс эряват монень,
Кода мон ськамон ульнинь
Эзинь аварде ды тонть кисэ ульнинь.
Мороютко 2-ксть.
ОД ТЕЙТЕРТЬ
Нурькине чокшнетне сыть
Тейтертне ушов лисить
Ансяк текень сынь арсить
Кода цёратне палсить
Янга леентень валгить
Лембе ведентень совить
Ведне сынь пильгене шлить
Ды алужтнень шныть
Мороютко:
Од од од тейтерть
Эрзякс морыть чокшнэнь перть
Кады шабра велес
Пшты верьга сынст вайгелест
Од од од тейтерть
Аудотадо вемберть (вень перть)
Мейлечи ды матядо
Тантей одтне нейдядо
Тейтертне видьстэ лисить
Яннэванть велев сынь сыть
Цёраст бокава ойсить
Кудовгак сынь а совсить
Верьга вайгельсэ морсить
Эрзянь моросонть тарксить
Чи-кась пани сынст кудов
Сатадо одов!
Мороютко: - 2
ЛИЯ
Якшамо читне ютасть
Эй сюрот псиденть соласть
Садсо цёковтне морыть
Мородо сельведть туить
Читне бойкасто ливтить
Од цёрат тейтерть ильтить
Вадря эрямо алтыть
Вечкема ланга кортыть
Мороютко:
Лия ней тонь марто лия
Лия тонь вечкемась лия
Тия теяль минек энэсь
Ульнесь ульнесь
Сёксень пельтне алга устть
Каргтнэ лембе ёнов тусть
Читне якшамот кармасть
Чувнэнь алга лопат прасть
Сестэ мон содавлия
Ковгак а нолдавлия
Свал улевлинек вейсэ
Вадря соды беряньсэ
Якшамо читне ютасть
Эй сюрот псиденть соласть
Садсо цёковтне морыть
Мородо сельведть туить
Читне бойкасто ливтить
Од цёрат тейтерть ильтить
Вадря эрямо алтыть
Вечкема ланга кортыть
Мороютко:
ГОРНИПОВТ
Ашо ловось прась
Якшамотне сась
А монь седейсэнь палы тол
А монь седейсэм
Валдо менельсэнть
Тетне палыця горнипов
Мороютко:
А мольдяно мартот
Минь мазый верев
Минь мазый верев
Минь мазый верев
А сестяно мартот
Мазый горнипов
Якшамотне састь
Тетне ашо лов
Ней ловось солась
Вана тундось сась
Яксярготне ливтить кудов
Те ульнесь умок
Неймить калмонок
Раужо ломантне ютксонок.
МАСТОРАВАМ
Масторавам вечкевиксэм мон тонь пек вечктян
Конат кортыть арась ломанть мон тонь кисэ стян
Зяро ансяк мазый тейтерть мон тестэ неян
Виде рунго, сэрей пильге чаракады прят
Мороютко:
Мон а содан, мон а содан
Кинь вечкан а кине манчан
Течи вейке тейтерь ильтян
Валске мон лиянь палсян
Ансяк чись ды неи ковось
Мезе арсян сень теян
Очкась весь максови монень
Ансяк урьвакстомс пелян
Очкась весь максови монень
Ансяк урьвакстомс пелян
Ней монь седейс совась сардо конадо пелинь
Авай умок минек ошсо мон тейтерь вастынь
Вакскам ютась чаракадынь седеем лодкась
Виде рунго сэрей пильге валомдак арась
Мороютко: 2-ксть
АНСЯК ПАЛСЕМЕ
Молить ламо мазый тейтерть
Ютксост а неяват тон
Исень кортамодонть мейле
Кежеват тон
Ардтнить яла машинасо
Висксэт а ней овсе арась
Течи а содавикс церат
Ваксот чарасть
Мороютко:
Ансяк палсеме ансяк налксеме
Сон тонеть сакшны
Менельстэ тешть сон алтакшны
Истямо вечкематне пек ламо сакшныть
Истямо вечкематне валскес сынь ютакшныть
Аштят кутмордазь се марто
Конань ве сельмсэ неик
Туе таго валске мартос
Тон мезе теить
Кода мон вечктян а содат
Кода ней валтнень пачтемс
Арась, а саты монь вием
Тонь ней учнемс
Мороютко:
16 ЛЕТ
Было и тебе шестнадцать лет помню давным-давно
Был летний вечер а теперь ночь за окном светло
Детство не вернуть назад больше не надо слёз
Парусник белый далеко южный ветер унёс, унёс...
Детство всегда кончается ты не придёшь опять
Что-то не получается долго тебя мне ждать
Тёплым осенним вечером жарким июльским днём
Снова с тобою встретимся будем опять вдвоём
Припев:
А теперь ты стала взрослой
Ты гуляешь слишком поздно
И зовут тебя ребята
Каждый день с собой гулять
Но а ты не понимаешь
Веришь ты словам ты таешь
Знаешь ты моя любовь
Моя весна, моя весна...
Улицы стали светлыми ты продолжаешь ждать
Всё что вчера потеряно нам не вернуть назад
Помню была когда-то ты скромной и неземной
Нежно шептала о любви: «Я навсегда с тобой!»
Припев: - 2 р.
|
|
